@ 
由荃灣民政處轄下荃灣區青年服務團主辦嘅《荃民造星》才藝比賽，不經不覺已經嚟到第6屆 ！作為荃灣區年度青年盛事，今年吸引超過230隊青少年隊伍參加，反應相當踴躍！
活動喺前日（15/2）舉行決賽，現場氣氛超級熾熱！觀眾席逼滿粉絲團，歡呼聲、打氣聲冇停過，簡直似足紅館騷！參賽者喺台上施展渾身解數，無論係歌唱、勁舞，定係雜技表演，都水準極高，贏盡全場掌聲！
今年決賽繼續以實體+網上直播同步進行，畀唔少喺網上支持嘅朋友都可以一齊參與！入圍參加決賽嘅8強隊伍喺台上傾力演出，爭奪冠軍寶座，為今年嘅賽事劃上完美句號！
除咗冠、亞、季軍，今年大會仲頒發「網上最多LIKE大獎」同「現場最具人氣大獎」，表揚喺唔同平台獲得最多支持嘅隊伍！
正所謂「台上一分鐘，台下十年功」，每一位參賽者背後嘅努力同汗水都值得大家嘅掌聲！希望你哋繼續保持對表演藝術嘅熱情，喺舞台上發光發亮，照亮更多人，一齊推動本地藝術文化發展！
