@ 
預防店舖盜竊！你我共同連結！
安全網計劃升級咗啦，安全網計劃升級咗啦，安全網計劃升級咗啦，重要嘅事情梗係要講3次啦！。究竟有啲咩升級咗呢？就係加強咗三大防盜措施啦，包括有1防盜投射燈，2防盜人形警察紙牌，同埋3防盜警告標語貼紙。
昨日2月16日(星期一)，由荃灣警區指揮官鄧國雄署理總警司及警民關係主任陳學俊總督察帶領下為安荃網計劃2.0進行簡單嘅啟動儀式，去到荃灣海之戀商場一帶，人流較繁忙嘅購物熱點，提醒店舖職員任何時候都要提高警覺、做好預防盜竊措施 ，以防小偷有機可乘。仲喺店舖派發咗安荃網計劃2.0嘅預防店舖盜竊嘅宣傳品包括有1防盜投射燈，2防盜人形警察紙牌，同埋3防盜警告標語貼紙放喺店舖當眼處，提高警惕！
【商戶必做3大Tips】
加裝高清監控+警報系統
高風險商品集中陳列+電子防盜標籤
員工定期防盜培訓+可疑人物通報機制
荃灣警區推行嘅「安荃網」計劃，希望透過整合社區嘅網絡，連結區內各持份者，將防罪訊息快速傳遞開去！發揮警民合作共同守護社區嘅能力。
警民同心協力！盜賊無所遁形！
