@ 
今個年初六（22/2） ，上水街頭出現咗一片「城市綠洲」 原來係由香港工商總會北區分會主辦、北區民政處支持及資助嘅「上水Chill市集：丙午年六六大順賀歲嘉年華」喺新康街同新功街行人專用區熱鬧舉行 。
北區民政專員卓穎然聯同一眾嘉賓均到場支持 。活動除咗有舞獅同社區團體表演 ，仲有Busking音樂響遍街頭 ！現場鋪設草地休憩區 ，並設有打卡拱門、賀年布置，以及超過20個特色攤位 ，包括手作工藝 、互動遊戲 、政府部門嘅宣傳攤位等。
卓專員更同參與活動嘅商戶拜年同傾偈，了解各間店鋪嘅傳統同特色 ，商戶都表示活動成功帶動人流及凝聚鄰里情誼 ，為社區注入活力 ！大部分攤位主要由石湖墟商戶主理 ，向市民推廣及介紹北區嘅傳統文化特色 。大家一邊享受節日氣氛，一邊支持北區經濟 ，度過咗一個愜意嘅假日 ！
