@ 
九龍城民政處一直致力推動綠色大廈管理 ，包括舉辦教育同宣傳活動，提升居民嘅環保意識 。
日前(8/2)，由九龍城民政處主辦嘅「九龍城區綠色大廈管理活動」 — 參觀有機資源回收中心第1期(O·PARK1) ，吸引近 30多名居民同物管公司代表參加 ！
O·PARK1位於北大嶼山小蠔灣，係香港首個有機資源回收中心 ，每日可以處理近公噸廚餘，主要透過先進嘅生物科技，將廚餘轉廢為能 。
活動當日，參加者先到劇場觀看動畫，配合豐富嘅劇情同音樂 ，沉浸式體驗回收廚餘嘅過程同了解O·PARK1嘅運作。之後，參加者漫步參觀O·PARK1各項設施 ，細心聆聽導賞員嘅講解，並積極發問 。最後，參加者仲有機會領取由廚餘轉化而成嘅堆肥，拎返屋企用嚟栽種植物 ！
大家記得要「惜食」同「減廢」 ，喺個人、家庭同大廈層面 ，齊齊為環保出一分力 ！
