@ 
大埔區每逢新春均會舉辦「耆老千歲宴 」，宴請區內長者，表達對老友記嘅尊敬與關懷，而家已經踏入第45年喇！
「丙午年耆老千歲宴」繼續由大埔萬家慶新春活動委員會聯同大埔及西貢北約兩個鄉事會合辦，今年宴請近7000位老友記 ！大埔民政專員鍾慧婷與一眾主禮嘉賓喺大埔向50位97歲以上嘅長者頒贈紀念金牌同利是 ！大埔民政助理專員郭鎮齊亦喺官坑為幾位較年長嘅老友記頒贈金牌 。今年最年長嘅老友記分別高齡103及107歲！祝各位耆老千歲同歡，福澤綿延！
兩日活動嘅主禮嘉賓包括立法會議員李梓敬、大埔鄉事委員會主席暨大埔萬家慶新春活動委員會主席林奕權、西貢北約鄉事委員會主席李耀斌、大埔耆老千歲宴活動委員會主席陳長有、大埔萬家慶新春西貢北約活動委員會召集人駱月羣、大埔七約鄉公所主席文春輝等。
