@ 
大埔區青年網絡幹事會今年7月正式成立，經過面試遴選出22位幹事。佢哋分別嚟自區內中學同大專院校，對青年工作都充滿抱負。
為延續奧運熱潮，青年幹事會一連兩日（19-20/8）分別喺富亨體育館同東昌街社區會堂舉辦排球及羽毛球同樂日，以波會友。活動成功招募50多位成員化身成為運動員，喺球場上切磋較勁，一齊捉緊活力暑假嘅尾巴。
一眾青年幹事落足心機，自主籌辦活動！聯絡透過Facebook、IG招募參加者、申請活動場地；文書協助撰寫活動備忘；財政就幫手計budget買活動物資；媒體製作就負責撰寫帖文，影活動花絮，活動圓滿舉行！
呢兩日嘅運動同樂日真係活力好玩又滿fun，除咗提升大青成員之間嘅默契，更促進團隊合作，建立友誼！場波不論順逆，大家都學會迎難而上，一齊打好每一球，值得畀掌聲鼓勵。