@ 
由九龍城區撲滅罪行委員會、九龍城民政事務處、九龍城警區以及秀茂坪警區合辦嘅《攜手滅罪.共建美好龍城》嘉年華今日喺賈炳達道足球場舉行。九龍城警區副指揮官梁國榮高級警司亦獲邀成為今次嘅主禮嘉賓共同宣揚滅罪訊息
今次輪到少年警訊出動，喺現場設置咗個攤位，為咗貼合活動主題，少訊會員特別準備咗一款「滅罪夥伴」 必玩嘅防罪小遊戲，畀大家喺互動體驗中掌握最新防罪知識，無論大人定細路都玩到唔捨得走
除咗少年警訊，現場仲匯聚咗各個機構嘅特色攤位，再加埋連場精彩魔術同武術表演，大家由頭玩到尾，過咗一個充滿笑聲同學習嘅充實週末！～
