@ 
大埔區年度創科盛事「創科@大埔2026」 一連兩日（1/3–2/3）喺香港科學園舉行！尋日（1/3）由民政總署副署長王婉蓉、教育局副秘書長陳碧華，以及香港教育城董事會主席李漢祥一齊主持開幕禮 ！
大埔區內32間中小學 派出創科隊伍參與活動，參展作品題材多元又貼近生活，涵蓋智慧交通、健康管理、環境監測與保護 、文化推廣、應對能源及糧食危機等範疇，實踐「科技惠民」，希望用創新科技提升生活質素。
除咗有得睇同學仔嘅創科作品之外，大會仲準備咗 STEAM 工作坊 、專題講座、互動遊戲 等創科活動，等入場市民可以親身體驗，喺玩樂之中感受學習嘅樂趣 ！
特首喺《2025年施政報告》提出「教育、科技、人才一體化發展」策略，「創科@大埔」正正係貫徹「科教興國」精神嘅重要平台，為香港發展成為國際創新科技中心培育未來生力軍 ！
今次活動再次由大埔民政處及大埔學校聯絡委員會合辦，獲民政總署社區參與撥款支持。大埔學校聯絡委員會連同多位大埔區中小學及幼稚園校長亦有到場支持！
@ 
@