@ 
金蛇辭舊歲 ，駿馬迎新春 ！元朗民政處喺正月初十（26/2）舉行新春團拜酒會。民政總署副署長王婉蓉、中聯辦新界工作部副部長王卉、元朗民政專員馬富威，與多位立法會及區議會議員、六鄉及地區團體領袖、「三會」成員及政府部門代表聚首一堂 ，同賀新歲 ！
元朗商會小學 、佛教荗峰法師紀念中學 、元朗青晉獅隊 同埋天樂幼稚園 ，分別喺酒會上為來賓帶嚟精彩嘅舞蹈表演 、步操管樂表演 ，以及非常威武矯健嘅醒獅表演 ，為團拜活動增添濃厚嘅節慶歡樂氣氛。
副署長喺致辭時感謝元朗社區各界多年來對民政工作嘅鼎力支持 ，期望元朗區於馬年維持剛毅同韌勁 ，喺地區發展同改善民生嘅道路上繼續闊步奔騰 ！
「民政幫到你 」嘅服務理念，一直都喺元朗街坊身邊 ！新一年，元朗民政處會繼續傾盡全力 ，同區議會、「三會」、關愛隊、六鄉及地區團體等保持緊密合作 ，用心做好地區服務 ，促進社區共融，實實在在回應居民所需 ，打開馬年民生新篇章 。祝願香港處處生機盎然，市民生活富足 、福澤常伴 ！
@ 
@