@ 
北區民政處為「北極虹」 舉辦咗海關搜查犬及紀律部隊探秘之旅 ，由北區民政專員卓穎然親自帶領北區青年發展網絡嘅虹仔虹女，一齊揭開紀律部隊嘅神秘面紗 。
紀律部隊義工隊幾位代表首先分享咗海關及飛行服務隊嘅工作見聞同趣事，除咗令參加者了解到紀律部隊嘅工作範疇同入職要求，更能擴闊視野，協助參加者思考自身嘅職業規劃 。
海關退役搜查犬Jasper 亦到場，將現場氣氛推向高峰 ！Jasper即場表演尋找物件，按照指令快速搵到裝有目標物件嘅紙箱 ，虹仔虹女都大呼神奇！ Jasper仲好親切，參加者都紛紛上前同佢互動影相 ！
其後，虹仔虹女仲參觀咗海關總部大樓，包括升旗區、傳媒接待室 、展覽廊、自學資源中心 、室內練靶埸等，深入了解海關嘅發展歷史及日常運作。海關同事亦分享任職多年嘅工作故事，並透過故事提醒大家要奉公守法，尤其要抵抗毒品誘惑 ！
虹仔虹女表示活動令佢哋非常難忘 ，更有助佢哋了解紀律部隊工作及自己嘅興趣同優勢 ，好好規劃未來嘅職業生涯。
