@ 
灣仔區撲滅罪行委員會喺14/8，舉行咗第二次會議同參觀咗灣仔警署及港島衝鋒隊基地，了解警方執法工作。
一眾委員喺開會前進行參觀，先由港島衝鋒隊向委員介紹佢哋嘅日常工作同裝備，警隊交通部仲展示常用嘅警車同電單車，委員亦趁呢個難得機會打卡。委員隨後參觀咗灣仔警區報案室，了解自助報案機嘅運作，畀需要報案嘅市民享有更便捷嘅服務。
參觀後，灣仔區撲滅罪行委員會委員、灣仔民政處同灣仔警區嘅代表就到灣仔警區嘅會議室進行第二次會議。會上各委員踴躍發言，促進交流同合作，攜手創建安全城市。
灣仔民政處同灣仔撲滅罪行委員會會繼續與灣仔警區合作，積極推行滅罪同防騙宣傳🔊，提高市民防止罪案意識。
