@ 
沙田民政處同沙田文化藝術推廣委員會每年舉辦嘅壓軸節目「新春粵劇齊齊賞」已經喺1/3圓滿舉行喇！
今次表演由多名粵劇名伶傾力演出賀歲劇目《獅吼記》。委員會透過地區團體、長者中心及公開派發方式，將門票送畀沙田區嘅街坊。全場座無虛席，一眾街坊同劇迷齊齊捧場，掌聲此起彼落，場內氣氛熾熱。
大會特別安排咗後台導賞環節，由劇團帶領沙田區家長同學生深入後台，從化妝、戲服、道具、佈景等各方面，講解粵劇嘅準備工作。部分參加嘅學生更係校內嘅粵劇班學員，可以趁機向專業劇團偷吓師！
另外，大會亦喺正式開演前加插咗導賞環節，由專業講員簡介《獅吼記》嘅欣賞要點，等觀眾可以更投入欣賞緊接嘅粵劇表演，沉醉其中，感受粵劇魅力，傳揚中國傳統文化！
