@ 
8月22日，由博鰲出發到文昌，交流團當然唔少得要同當地嘅學生交流下啦！所以嚟到百年老校海南省文昌中學。喺座談會裏面，領袖們同文昌中學嘅學生代表互相分享克服困難嘅技巧。之後，大家進行咗一場拔河友誼賽。兩地學生熱火朝天嘅競賽，真係令大家熱血沸騰，青春無悔，Yeah ！！！
第2站就參觀咗春光椰子王國。原來日常飲嘅椰子水同埋食嘅椰子糖係咁樣造出嚟㗎！好神奇啊～
今日最後一站，就係大家期待已久嘅 一 文昌航天發射場！呢到係中國首個商業航天發射場，亦係我國航天局重要嘅航天發射基地。大家都了解到究竟係點樣先可以發射衞星商業航天、文昌航天各項設備都令到同學仔大開眼界！當倒數3、2、1、點火嘅時候，各位同學仔見倒長征7號火箭嘅推進器噴出紅紅火光，照亮整個夜空！大家都好興奮同埋激動，不斷發出讚嘆嘅聲音同埋用手機拍攝紀錄，直至火箭遠離大家嘅視線。
