@ 
葵青民政處於元宵佳節（3/3）喺長青社區會堂舉行新春聯歡團拜。民政總署署長杜潔麗、中聯辦新界工作部副部長朱宜華、葵青民政專員梁乘龍、立法會議員陳穎欣、郭芙蓉、政府部門代表、社區賢達及地區領袖聚首一堂，共賀新春。
活動邀請咗聖公會林護紀念中學管弦樂團及仁濟醫院董伯英幼稚園嘅同學分別獻上悠揚悅耳嘅樂章及充滿中國傳統特色嘅舞蹈助興，場面熱鬧，每一位來賓都感受到新年嘅喜悅。隨後，梁専員頒發嘉許畀積極服務社區嘅人士，表揚佢哋對葵青區嘅貢獻。
團拜儀式時，署長致辭表示葵青區去年完成多項改善民生的地區建設，並舉辦咗不同主題嘅文娛康樂活動，全賴由區議會、地區三會及關愛隊所構成嘅「三駕馬車」拉動，再加上社區各方鼎力支持，匯聚成強大嘅建設力量。
民政總署與各區民政處均秉持「以民為本」嘅信念，擔當政府與市民之間嘅橋樑，深化地區治理，構建關愛共融嘅美好社區。展望新一年，適逢國家「十五五」規劃開局之年，特區政府積極對接國家嘅規劃，進一步發揮香港嘅獨特優勢，着力提升治理水平，助力推動國家長遠高質量發展，並為祖國嘅強國建設同中華民族偉大復興貢獻力量。
新年伊始，葵青民政處仝人祝願國家繁榮昌盛，香港百業騰飛，葵青欣欣向榮，市民安居樂業！將繼續與社區各界同心合力，共建更美好嘅葵青社區。
@ 