@ 深水埗民政處、深水埗體育會同深水埗居民聯會前日（5/3）舉辦「深水埗區丙午年新春團拜」，邀請一眾地區友好同政府部門代表，共聚一堂同賀新歲。
典禮獲民政總署副署長易志宏、中聯辦九龍工作部副部長李文彬、深水埗體育會創會主席陳東、文化體育及旅遊局文創產業專員黎細明、深水埗民政專員王浩宇、深水埗警區高級警司潘瑞屏、消防處（九龍西）分區指揮官黎偉希、立法會議員鄭泳舜、梁文廣、陳凱欣、吳英鵬、黃永威、深水埗體育會會長盧永文同主席梁鉅海，以及深水埗居民聯會理事長陳偉明親臨主禮。深水埗區議會、地區「三會」、青年委員會、關愛隊，以及區內嘅地區團體都有出席，互相交流祝賀。
表演節目方面，除咗有醒獅表演為大家送上祝福之外，仲有精彩嘅歌唱表演。好多街坊朋友都帶埋屋企人一齊嚟，感受現場滿滿嘅新春節日氣氛。
新一年，深水埗民政處會繼續加強地區治理「三駕馬車」嘅協作，秉持「民政幫到你」嘅理念，攜手共建關愛共融嘅社區，務求為居民帶嚟更多嘅幸福感。
最後，深水埗民政處祝願祖國繁榮昌盛、香港百業興旺、深水埗區風調雨順、各位馬到功成、身體健康！
