@ 
喺3月6至7日，沙田民政處及沙田區青年網絡帶領40位青年義工及有特殊教育需要嘅學生，一齊到沙頭角露營，喺大自然中進行團體遊戲及燒烤，體現傷健共融。
今次領袖營著重訓練與實踐，透過分組訂立活動目標，參加者能夠學習與有唔同需要嘅人士建立良好關係，培養同理心及自信心。
活動安排輕鬆有趣嘅破冰遊戲，讓參加者迅速建立友誼，包括一齊設計早餐餐單、去超級市場買雞蛋、午餐肉、麵包等早餐材料；而喺露營營地，參加者亦合力完成「收賣佬」嘅任務；晚上佢哋一齊燒烤，食物香氣四溢、開心笑聲此起彼落，不同背景嘅參加者無分彼此，成為大家嘅美好回憶。
短短2日1夜嘅活動，參加者互相傳遞愛與關懷，不論係青年義工或有特殊教育需要嘅學生都全情投入，盡情享受大自然嘅樂趣。唔同背景嘅參加者以理解、互相欣賞及尊重嘅態度，實踐同體會傷健共融嘅真正意義。
如果你都想參加有意義嘅青年活動，記得關注沙田區青年網絡嘅Facebook專頁，隨時獲得最新消息同埋資訊。
