@ 
九龍城民政處一直致力支援大廈業主，協助佢哋履行大廈管理嘅責任。
剛過去嘅星期日(8/3)，九龍城民政處喺紅磡社區會堂舉辦咗「2025-2026年度九龍城區大廈管理證書課程（二）」，吸引咗數十名區內業主、法團成員、居民及物管公司代表參加。課程安排咗政府部門代表深入講解大廈管理知識，包括環境保護署代表簡介「減廢回收約章」 ，廉政公署代表講解「廉潔樓宇維修及管理」 ，仲有勞工處及職業安全健康局代表講解「樓宇裝修維修安全」事宜同「如何選用合適裝修維修承建商」，最後由九龍城民政處代表講解《2024年建築物管理（修訂）條例》嘅主要修訂內容，同埋條例嘅新規定，讓法團及業主更清楚了解修訂條例實施後需要注意嘅細節。
日前(28/2)，九龍城民政處主辦嘅「樓宇環保支援簡介暨環保工作坊」喺土瓜灣嘅保良局林文燦英文小學禮堂舉行，吸引咗數十名街坊同物管公司代表出席。當日長春社及香港綠色建築議會代表講解全球氣候挑戰，並分享屋苑減少碳排放嘅方法，例如廚餘回收、打造綠色建築等。隨後舉行嘅「再生木材手機喇叭座」工作坊將廢棄紅酒箱木材加入其他回收木材，改造成精美又實用嘅手機喇叭座！參加者親身體驗賦予木材第二生命嘅過程，別具意義！
展望將來，九龍城民政處會持續與各政府部門合作，繼續喺區內舉辦相關培訓，協助市民建立綠色大廈，依法合規管理樓宇，建設安全宜居、可持續發展嘅社區 。
@ 