@ 
今日 3月11日，荃灣警民關係組聯同商業罪案調查科，仲有新界南總區防止罪案辦公室人員，去到位於荃灣麗城花園 楊屋道耆康長者中心，為一眾老友記舉辦咗一個防罪防騙講座 。
透過今次講座，除咗將最新嘅騙案手法及防罪知識介紹俾各位老友記，仲向老友記展示咗假銀紙，教大家點樣分辨真偽！另外，亦協助區內老友記下載「香港警察流動應用程式」，等大家加強防騙能力之餘，仲可以享用一站式電子服務平台，更方便又安心！，等老友記可以預防受騙之餘，亦將呢啲防騙訊息傳遞俾身邊嘅人。
最後，仲送上咗滿載心意嘅「愛心福袋」，將溫暖同防騙知識一併送到大家手上。
小編希望繼續為區內老友記舉辦多啲防騙防罪講座，透過宣傳同教育，提升大家嘅防罪意識，等每個人都唔會成為下一個受害者！
@ 