@ 
今日 3 月 12 日（星期四），荃灣警區好開心迎接咗嗇色園主辦可信學校嘅小五同學仔嚟到荃灣警署參觀！精心安排咗一個既有特色又有趣嘅體驗活動俾一眾同學仔：
警務知識大補帖：了解警署運作同報案流程，以及介紹警隊工作，等大家了解警署日常運作 ，做個知法守法嘅公民。
認人房初體驗：走進單鏡反光認人室，了解認人房設備及程序。
裝備全接觸：親身試穿防彈衣同頭盔，感受警察裝備嘅重量！
指模工作坊：自己動手做指模書籤，認識警方搜證過程！
警車打卡位：近距離接觸唔同型號警車，影相留念超帥氣！
壓軸好戲仲有警犬隊登場！ 領犬員嘅專業介紹配合精彩表演，全場同學仔都拍爛手掌！
希望透過今日嘅旅程，同學仔對警務工作有更深認識，建立正向價值觀，培養學生守法意識，未來一齊積極撲滅罪行！
