@ 
為向青少年推廣防火安全及滅罪信息，油尖旺民政處、消防處、警務處、防火會及滅罪會喺昨日（14/3）合辦油尖旺青年防火滅罪交流團 。活動得到油蔴地街坊會學校 、油尖區少年警訊及旺角區少年警訊嘅踴躍支持，同80多名參加者參西貢水警基地、香港仔水警基地、滅火輪精英號及滅火輪 7 號，由消防員同警員講解佢哋嘅工作，同埋各項設施嘅用途，並提醒參加者要提高防火安全及滅罪意識 ，於危急時可如何保障自身安全 。
各參加者均表示今次活動好有意義，令佢哋大開眼界，獲益良多。透過消防員同警員嘅悉心講解，了解到不同部門嘅職能同各項設備嘅功能，令佢哋對部門工作，有更深刻嘅認識同體驗，亦都大大提升對防火安全及滅罪嘅了解，參加者均有願景共同打造更安全嘅社區環境！
今次活動標誌油尖旺民政處三會攜手合作嘅里程碑，展望未來，三會將繼續加強合作 ，舉辦更多元化嘅活動，深化社區工作，惠及區內居民。
