@ 
為進一步加強與市民嘅聯繫同溝通，推動社區共建，今日3月15日，荃灣警區積極參與由博愛醫院喺香港專業教育學院（青衣）舉辦嘅「上海商業博愛單車百萬行2026」及單車嘉年華。活動旨在為博愛醫院青少年服務籌募經費，同時推廣香港單車運動，提倡健康生活。
起步禮有幸邀請到保安局局長鄧炳強, GBS, PDSM, JP擔任主禮嘉賓，新界南總區指揮官張惠華助理處長、荃灣警區指揮官羅家康總警司及警民關係主任陳學俊總督察亦一同出席，身體力行支持活動，與市民近距離互動交流，展現警隊關懷社群、共建和諧嘅決心。
活動分為博愛組（全程13公里，適合個人、親子、企業及團體參加）同挑戰組（全程21公里，適合個人、企業及團體），參加者以踩單車形式籌款，每位仲可以獲得大會特別設計嘅紀念包。既可以提升市民對道路安全嘅關注，又可以做善事，真係一舉兩得呀！
荃灣警區會繼續透過唔同社區活動，走入人群，用心聆聽，攜手共建安全又和諧嘅生活環境！
