@ 
葵青區青年網絡「跑馬地智慧防洪『地下神殿』探索之旅」日前(28/2)順利舉行，20多名區內青年走進被譽為「地下神殿」嘅跑馬地地下蓄洪池，了解香港如何以創新工程應對極端天氣，親身見證智慧城市建設嘅成果。
講座學習・認識防洪基礎
活動首先透過專業講解 ，讓青年認識水浸成因、防洪策略，以及蓄洪池喺排水系統中嘅重要角色 。
互動工作坊・規劃社區想像
其後，青年化身「城市規劃師」，透過小組討論與設計，構想蓄洪池上蓋空間嘅社區設施，體驗如何將工程與社區生活結合。跑馬地蓄洪池正正體現「一地多用」理念——將相等於24個標準游泳池容量嘅蓄洪池設於地下，同時喺地面設置足球場及綠化休憩空間，實現基建與社區共享。
實地參觀・走進地下神殿
最後，青年深入蓄洪池內部，近距離了解蓄洪池喺暴雨期間暫存雨水、調節流量同埋減低水浸風險嘅運作。現場亦介紹智能水閘及實時水位監測系統，並透過AR影片展示水閘如何因應暴雨自動調節，展現香港智慧防洪技術嘅應用與成效。
呢趟探索之旅唔單止加深青年對防洪工程及智慧防災嘅認識，更啓發佢哋對城市建設與社區發展嘅想像。
@ 