@ 
暑假即將完結，一齊重溫離島區青年發展網絡為學員舉辦，充實又有意義嘅活動啦！
迎新營
為熱烈歡迎離島青年網絡新成員， 7月29-30日喺香港基督教女青年會梁紹榮度假村舉行咗3日2夜迎新營 ，參加人數接近100人。營內活動豐富，包括夜間歷奇尋寶、室內團體遊戲同唔少歷奇遊戲。
最後一日，學員仲去咗迪士尼樂園參加工作體驗坊，學習園內好客之道精神。相信經過3日2夜嘅體驗，新成員已完全融入青網大家庭啦！
滑浪體驗
我哋8月5號舉辦咗個特別滑浪體驗。由專業導師教授，一眾學員除咗學習到基本滑浪技巧，例如浪板坐姿、划水、起乘同站立，仲了解到學術層面嘅知識，例如滑浪禮儀，水上安全等，為自己增值技能，挑戰自我！
認識社企工作坊「Joy Fusion 康恩園」
我哋亦為學員舉辦咗社企工作坊，畀學員向專業烘焙師學習整甜品「心太軟」，發揮想像力同創意製作充滿愛心嘅甜品，亦從中認識到社會企業嘅真正意義同營運發展。
參觀廉政公署總部
適逢廉政公署成立50周年，一眾青網成員把握機會於8月17日參觀廉政公署總部大樓。大家透過導賞員講解了解廉政公署成立嘅歷史，亦參觀多項廉署設施，包括廉署展覽廳、錄影會面室、列隊認人室、扣留中心、槍械設備等，親身了解廉署調查員日常工作。相信今次活動會令一眾學員對廉政公署工作有更深認識，亦了解到成立廉政公署嘅重要性！
離島青年發展網絡嚟緊會繼續舉辦更多青年活動，記得密切留意呀！
@ 