@ 
今年係中華人民共和國成立75周年，中西區民政處聯同中西區文化藝術協會攜手合辦多項文化藝術活動，同區內居民共賀國慶。
打頭陣嘅活動就係上星期15/8舉辦嘅「使命中華」舞蹈表演！表演者揉合傳統民族及現代舞蹈風格，中西新舊元素兼備，活靈活現咁呈現出祖國發展歷程中嘅不同篇章。
中西區民政處代表、中西區文化藝術協會主席趙純銘、會長劉敏儀、東華三院前董事局主席馬清揚、香港演藝學院校長蔡敏志、香港旅遊業議會主席徐王美倫、義務工作發展局主席彭韻僖、香港城市大學副校長陳志豪等，都有到場支持，一齊觀賞精湛嘅舞蹈表演。
台上一眾舞蹈員透過精彩投入嘅演出，將「使命中華」嘅主題充分展現。現場觀眾都為之動容，一齊分享同感受國慶將至嘅喜悅。
