@ 
沙田區社區重點項目計劃「活化城門河沙田市中心段」，設置嘅4個城門河河畔健體園地，分布喺城門河畔兩旁。自2019年啟用至今，一直係居民休閒放鬆嘅好去處。
就沙田民政處計劃美化健體園地地墊嘅地區工程，沙田區青年社區建設委員會喺過去數月展開討論，並建議以城門河第二海濱公園附近嘅兩個健體園地作為美化工程嘅試點。
新地墊設計融入委員會嘅意見，以城門河河流形態作為主要設計元素，展現橋上風光同光影景色。設計以延伸嘅圖案同埋銜接嘅色彩，營造視覺上嘅連續性，並參考自然光變化，選用4種顏色作為主要色調：以陽光般鮮豔嘅顏色刺激視覺，亦以日暮般沉穩嘅顏色緩和情緒。
今日（20/3），沙田民政助理專員鍾碩華聯同委員會主席方俊文及委員到現場視察兩個已完成美化工程嘅健體園地。大家見到色彩絢爛嘅新圖案，都表示十分欣賞。
大家到城門河畔健體園地做運動之餘，不妨欣賞一下美化後嘅地墊設計！沙田區青年社區建設委員會將繼續積極反映區內青年嘅意見，攜手營造更美好和諧嘅社區環境。
