@ 
1.今日（20/3），油尖旺區青年社區建設委員會(青建會)舉行咗今屆第四次大會，油尖旺民政處喺會上向委員介紹幾個美化工程嘅進展：
由藝術家 May Yeung帶領，喺塘尾道行人天橋以李小龍為靈感嘅美化工程將於三月底完工；
以油尖旺地區特色為主題，聯同西九文化區美化橫跨佐敦道行人隧道嘅工程將於三月底完工；
回應區議員及社區意見，將登打士街行人天橋嘅老舊美化貼紙移除，下一步將為天橋柱重新粉刷，預計今年上半年完成。
2.民政處亦就嚟緊幾個地區小型工程諮詢委員意見，包括「奧運星光大道」優化工程，及更新旅客熱點 - 旺角豉油街嘅街道地圖牌。
3.就塘尾道行人天橋嘅美化工程，民政處喺一月及三月舉行咗兩場工作坊，邀請青建會委員及區內同學一齊動筆參與設計。大家嘅作品經藝術家潤飾後，將會融入最終設計之中。
