@ 
公益金新界區百萬行尋日（22/3）喺即將啟用嘅粉嶺繞道(東段)圓滿舉行，超過7000人參加。百萬行踏足新基建，律政司副司長張國鈞及民政總署署長杜潔麗親臨主持開步儀式 。北區民政專員卓穎然聯同公益金之友北區委員會主席計逢時率領700名善長，著上醒目嘅制服 ，浩浩蕩蕩 ，齊齊為慈善出力 ️，共襄善舉 。除咗北區外，新界多區民政處包括屯門、沙田、葵青、元朗、西貢、大埔、荃灣、離島，都有踴躍參加，捐善款同時亦為籌款身體力行，與地區人士一齊將愛同關懷帶畀社會上有需要嘅人 。
北部都會區係未來發展嘅新引擎 。參加者由粉嶺北石湖新村起步 ，途經新建嘅粉嶺繞道(東段)及龍躍頭交匯處，步行至近崇謙堂嘅高架橋 後再原路折返，全長約6公里，沿途更可飽覽 梧桐河至九龍坑一帶景色 。活動所籌得嘅善款 ，用作資助24間提供「家庭及兒童福利服務」 嘅社會福利會員機構 ，令更多使用者受惠 。
各區民政處連同公益金之友委員會眾志成城，為善不甘後人，會繼續努力將善心 化為力量 ，為有需要嘅社群，帶來希望 與溫暖 ！