@ 
由元朗青年網絡計劃主辦、地區服務及關愛發展基金（元朗）支持嘅廈門泉州「一帶一路」海上絲綢之路及創新科技產業探索之旅4日3夜考察團，於8月25日圓滿結束。
考察團行程豐富緊湊，先拜訪特區政府駐福建聯絡處，與聯絡處主任和福建省人民政府港澳事務辦公室副主任會面，深入了解駐福建辦嘅工作同埋閩港兩地合作嘅成果。
考察團亦參加咗福建省委統戰部、泉州市委統戰部同晉江市委統戰部舉辦嘅交流聚會，深入了解兩地經貿、科技同文化領域等合作。此外，同學又參觀咗福建博物館、三坊七巷、五店市傳統街區、泉州古城同泉州非物質文化遺產館等，深入了解福建嘅歷史文化淵源同發展。
考察團亦到廈門大學，了解內地學生學習同生活概況，認識「雙一流」大學嘅教育政策及學習環境等。同學更參觀國企建發集團同民企安踏集團總部，了解發展機遇同埋創新意念。考察團亦透過參觀泉州海外交通史博物館，了解海上絲綢之路嘅發展史，以及泉州成為中西文化交流樞紐嘅機遇。
同學紛紛表示，喺考察團旅程中了解到福建多元傳統、悠久歷史同埋文化底蘊，感受到當地人民嘅熱情，加深對福建文化嘅了解。同時，仲了解到國家同福建省近年發展及未來發展目標，對自己未來嘅升學同成長有新認識。相信呢次福建學習經歷，將會成為同學仔一段難忘嘅回憶，除咗加深對國家嘅情感，亦為佢哋嘅生涯規劃同未來發展帶嚟更多啟發！
@ 