@ 
眨吓眼，5日4夜嘅海南心晴之旅，終於完結喇！今次嘅交流團喺團長港島總區指揮官郭嘉銓、執行團長灣仔警區指揮官廖珈奇同埋執行團長暨關愛校園之星符文靜帶領下到海南省學習交流，俾領袖們更深入認識到中國嘅歷史、文化以及航天等方面嘅知識！各位都大開眼界，獲益良多。
同時，旅程中大家互相合作，建立咗深厚嘅友誼 。呢一次難忘嘅交流團，為領袖們喺暑假嘅尾聲劃上完美嘅句號！雖然交流團完咗，但係我哋「關愛校園領袖訓練計劃」仲未完架！未來仲會有更多精彩嘅活動呀！
如果大家想知更多關於呢次交流團嘅精華片段同埋未來「關愛校園領袖訓練計劃」嘅動向，就要密切留意住灣仔警區Facebook啦！
