@ 
尋日(24/3)，署理漁農自然護理署署長黎存志、沙田民政專員余懷誠聯同沙田區議員參觀咗塱原自然生態公園，實地了解公園嘅規劃、設計同管理情況。
漁護署代表首先介紹塱原嘅生態價值同特色，然後帶領大家參觀公園唔同管理區域。大家除咗觀察到唔同品種嘅野生動物，亦同本地農民交流，了解更多本地農業嘅現況。今次活動有助區議員深入了解香港生態保育嘅努力同願景，以及本地農業嘅發展。藉著今次機會，署理漁護署署長同代表與區議員亦就區內有關漁農同野生動物嘅議題交換寶貴意見。
沙田民政處同沙田區議會將會繼續同相關部門合作，讓更多市民認識本地生態保育，更好感受香港獨有嘅自然景色！
