@ 
今日會員嚟到灣仔嘅「安全社區體驗館」參觀，係全港首個以反恐為主題嘅體驗館；以輕鬆互動方法向市民推廣反恐及安全社區嘅資訊。
體驗館除咗有詳細嘅反恐小常識講解，仲反恐專責組成員部門嘅特色展區，包括：虛擬實境(VR)、擴增實境(AR)、體感互動、互動全息影像、模擬飛行等唔同嘅體驗項目；仲有個互動小劇場，當中為咗加強真實感，喺模擬場景中加入咗特別效果，俾會員了解到「閃、避、求」嘅應用，同埋喺咩嘢情況下運用「見疑即報」嚟打擊罪行。
大家都好積極投入參與當中嘅體驗活動，覺得好新奇同有趣，話係1次難得嘅體驗；玩到佢哋都唔捨得走啊！
@ 
@