@ 
全體南區區議員於8月12日已參觀咗國家安全展覽廳，南區關愛隊、南區區議會增選委員及南區滅罪會、防火會及分區會亦分別喺15/8、26/8及28/8去參觀展覽廳。南區民政助理專員陳芷羚亦帶領關愛隊同居民一同參觀展覽廳。南區嘅東分區委員會副主席陳振宜喺尋日更成為咗第5萬名參觀人士，恭喜恭喜！
展覽廳為香港首個實體國家安全教育基地，內容豐富，參加者都十分雀躍。有咗上次參觀經驗，南區區議員林詠欣今次化身為導賞員，一路分享佢哋上次參觀後嘅所思所想，並鼓勵居民將國家安全嘅20個重點領域喺區內繼續傳遞開去。
呢幾次嘅參觀有助提升南區居民對國安嘅理解同擔當，為香港進一步做好維護國安工作奏響新序曲。參觀後，大家都話一定要將「維護國安人人有責」嘅信息分享畀其他鄰里親朋。
未來南區關愛隊仲會陸續舉辦參觀團，進一步加強並深化巿民對「國安港安，家安民安」嘅概念，提高自覺維護國家安全的意識同承擔。相信透過親身體驗去認識國家歷史、文化及發展，大家會對身為中國人嘅身分，更加引以為傲！
@ 
@