@ 
荃城滅罪資訊站
荃灣警區警民關係組根據罪案趨勢 ，不定期喺區內人流多嘅地點設立資訊站，邀請撲滅罪行委員會委員協助派發防罪主題宣傳單張 及紀念品 ，畀市民了解社區治安情況，提高公民意識 ，宣揚滅罪信息。
早前（27/9）喺荃灣路德圍設置嘅「荃城滅罪資訊站」，荃灣區撲滅罪行委員會主席羅少傑及一眾委員向市民派發宣傳單張 及宣傳品 ，協助推廣滅罪資訊，並特別針對長者 提供最新防騙信息。
重陽節防火宣傳活動
重陽節將至，天乾物燥 ，為宣傳鄉郊防火信息 ，荃灣民政處、荃灣區防火委員會主席馮卓能及一眾委員 、關愛隊成員聯同香港消防處及荃灣區消防大使名譽會長會，早前(21/9)喺荃灣老圍村舉行防火知識講座 ，提醒居民定期檢查家居電器 、清理家居周邊雜物 ，預防火災 。
講座後，亦到老圍村 探訪居民，派發防火宣傳單張 及紀念品 ，提醒居民、掃墓人士同郊遊人士， 切勿隨意燃燒冥鏹及慎防留下火種 ，市民反應熱烈 ！荃灣區防火委員會早前仲向區內中小學 、鄉事委員會 送上宣傳海報，又喺路旁展示橫額，希望可以加強宣傳防火意識！
荃灣區嘅綠水青山 ，有賴大家一齊守護 。防火安全，大家都做得到！
@