@ 
12隻熊貓 嚟咗深水埗嘅長沙灣海濱公園喇！
呢12隻精心設計嘅同心熊貓 ，7隻由四川設計師設計，5隻由香港代表設計，設計意念取材結合兩地非遺文化同時尚元素，寓意川港兩地同心賀國慶75周年 。
為賀國慶同把握熊貓熱潮嘅機遇，深水埗民政處、香港四川社團總會、九龍西區各界協會及多個團體合作籌辦喜迎熊貓活動，展期至明年15/2。
啟動禮尋日（30/10）喺長沙灣海濱公園順利舉行，邀請到多位嘉賓主禮包括文化體育及旅遊局 Culture, Sports and Tourism Bureau副局長劉震、四川省委統戰部部長趙俊民、中聯辦九龍工作部副部長郭長勇、民政總署署長張趙凱渝、深水埗民政專員黃昕然及四川省官員、立法會議員、區議員及地區賢達。
活動設多個非遺攤位，包括糖畫、剪紙、麵人公仔、新繁棕編紥作等，場面熱鬧。好多家長都帶同小朋友參與，同可愛熊貓打卡之餘，又喺攤位玩吓，攞啲熊貓小禮品留念！望住海濱日落美景盡情玩樂，可謂滿載而歸！
希望各位市民及遊客都嚟長沙灣海濱公園感受吓別具一格嘅非遺文化及打卡體驗 ！地點就喺港鐵南昌站B出口附近。
呢個活動亦係九龍西區各界「喜迎熊貓系列活動」嘅第二站，而下一站就係今個星期五（1/11）喺高山劇場揭幕嘅「天府蜀韻賀國慶龍城熊貓綵燈展」文藝晚會及「熊貓紫荊花綵燈展」。
@ 