屯門區公民教育青年領袖培訓計劃（第一課）

屯門區27位嚟自13間中學嘅中二及中三同學立志成為新一代青年領袖！佢哋參加咗由屯門民政處同屯門區青年發展及公民教育委員會合辦嘅「屯門區公民教育青年領袖培訓計劃」，期望透過一系列課程及模擬區議會會議等，進一步裝備自己。

培訓計劃5/11開始咗第一堂，民政及青年事務局局長麥美娟更嚟到為學員介紹香港特區政府架構、完善地區治理下區議會嘅職能同工作，以及區議會、地區「三會」及關愛隊所產生嘅協同效應點樣能夠更好哋服務市民，做到「幫到市民、幫到你」。局長仲特別提醒學員記得緊貼HKYouth+ app，接收最快、最新嘅青年人資訊同埋活動資料！喺屯門民政專員關可臨主持嘅提問環節，學員都積極發問，展現出對社區事務嘅濃厚興趣。