@ 
一年之約，主場出擊第15屆全運會即將喺明年9-21/11舉行！為響應呢項體壇盛事，尋日（16/11）喺深水埗體育館就舉行咗倒數儀式同無人機足球比賽。
無人機足球比賽融合咗無人機同足球兩大熱門運動，富有科技感 同娛樂性。比賽除咗考驗參賽者手眼協調及大小肌肉配合，更要求參加者充分掌握三維空間及操作技巧。
到場人士仲可以體驗唔同新興運動，包括電子足球、三葉球、電子降落傘、布袋球及地壼等遊戲，畀大家更融入體育熱潮！快啲睇下以下片段啦
大會仲特意設置全運會倒數計啟動儀式，希望大家記住呢個一年之約，為支持全運會做好準備。
香港會主辦嘅其中一個全運會項目就係劍擊。所以今次大會特別安排咗電子劍擊呢項平時比較少見到嘅電子運動界居民試吓，一顯身手。劍神 #張家朗、劍后 #江旻憓睇到呢個post，如果都想玩吓，可以聯絡深水埗吉祥物深Duck，佢會幫你哋安排。
活動由滬港同心協進會、中國香港無人機總會、深水埗居民聯會、SOGO Hong Kong、YOU AND ME 基金會主辦；深水埗民政處、深水埔街坊福利事務促進會、美孚曼克頓之友社、香港社區醫療服務協會協辦。民政總署署長張趙凱渝、立法會議員邵家輝、陳凱欣、梁文廣、深水埗民政專員黃昕然、深水埗區議員同政府部門代表等嘉賓亦有到場支持。
