@ 
大家知唔知空手道係其中一項全國運動會嘅比賽項目呢？
明年舉行嘅全運會有34個競賽項目，香港作為其中8個項目嘅主場，南區當然要全力用行動支持啦！昨日（1/12）喺香港仔市政大樓室內體育館成功舉辦咗「2024年南區空手道分齡邀請賽」，為一年後舉行嘅第15屆全運會拉開地區序幕！
南區嘅小將們喺賽場上表現出色，英姿颯爽，氣勢如虹！ 南區民政助理專員Samantha亦到現場為運動員加油打氣。大會仲邀請到全港空手道大賽冠軍鄭子文同現場參賽者互動交流。呢個比賽除咗畀小將們切磋技術之外，亦喺區內宣傳全運會。希望大家嚟緊密切留意第15屆全運會「一年之約，主場出擊！」，用行動全力支持香港作為主場之一，同埋我哋嘅運動精英！
