@ 
由荃灣警區、荃灣區撲滅罪行委員會合辦，荃灣民政事務處協辦嘅「荃灣區冬防滅罪運動2024」，响上個星期六（12月14日）順利舉行 。活動邀請咗荃灣區耆樂警訊、少年警訊嘅會員同埋區內16間小學嘅同學仔參與，人數超過一千人 。
活動先由中國香港單車總會進行花式單車表演，高難度嘅花式單車動作令到現場氣氛非常熾熱 。仲有由寶血會思源學校學生嘅單輪單車表演，表演亦都非常精彩，令到台下觀眾大為鼓掌 。活動仲邀請到歌星表演，同埋宣傳荃灣區冬防滅罪信息「荃城滅罪安居樂，同心攜手享繁榮」 及禁毒信息「太空油，一啖都咪制」 。
活動去到尾聲，荃灣民政事務專員區家盛先生太平紳士帶領荃灣區撲滅罪行委員會主席羅少傑、「滅罪之星」黃金寶以及在場過千名人士進行宣誓儀式，承諾成為滅罪大使 ，同警方攜手撲滅罪行 ，宣揚禁毒滅罪嘅訊息 。
活動完成之後，荃灣警區指揮官羅家康總警司聯同荃灣區撲滅罪行委員會委員一齊去到市中心派發防騙利是封 及 「提子」毛巾俾市民 ，宣傳防騙防罪訊息。
荃灣警區會繼續打擊罪案 ，與市民攜手滅罪 ，共創安居樂業嘅社區 。
