@ 
繼九龍城區嘅DREAM少數族裔人士支援服務中心喺本月初開幕後，另一間位於沙田區嘅少數族裔人士支援服務中心（IDEA中心）亦喺19/12正式開幕。民政及青年事務局 局長麥美娟嚟到IDEA中心主持開幕典禮。
局長喺開幕典禮致辭時表示，政府一向十分重視為少數族裔人士提供支援。IDEA 中心啟用，標誌住政府已成功落實去年行政長官《施政報告》中宣布2024年喺新界東和九龍中設立兩間新的支援服務中心，令少數族裔人士支援服務中心由8間增至10間。
局長又話，為進一步加強支援少數族裔人士的服務，行政長官喺《2024年施政報告》公布，政府將會喺明年邀請多一間現有嘅支援服務中心，連同現有嘅融匯中心，為少數族裔人士提供傳譯和翻譯服務，期望可減輕佢哋因言語不通所帶來嘅不便嘅同時，進一步促進少數族裔融入社會。
10間少數族裔人士支援服務中心分別設於灣仔、觀塘、屯門、元朗、油尖旺、深水埗、東涌、葵青、九龍城同沙田。IDEA中心位於沙田大涌橋路52號富豪花園商場地下1至2號鋪，由香港社區網絡負責營運。除咗為少數族裔人士提供一系列支援服務，包括語文班、興趣班、迎新活動、青少年活動、融和活動，以至輔導和轉介服務外，亦會協助佢哋使用公共服務，例如設置互聯網工作站以瀏覽網上資訊，同埋派發多種語言嘅服務指南和單張，提供有關政府同非牟利機構服務嘅資訊。
IDEA中心所設立嘅一支少數族裔關愛隊亦已同時投入服務啦！
@ 