@ 
中西區民政處1月8日喺西營盤社區綜合大樓禮堂舉辦咗今年首場大廈管理工作坊。工作坊除咗邀請到執業律師為我哋分享大廈管理案例，仲有勞工處及職業安全健康局代表到場分別講解樓宇裝修維修嘅安全要訣以及如何選用合適嘅裝修維修承辦商。
《2024年建築物管理（修訂）條例》將於今年7月13日正式實施，民政處亦特別喺工作坊向參加者介紹修訂條例嘅內容，希望中西區嘅業主及居民能夠掌握最新嘅資訊。
當晚大約有80名參加者，包括中西區居民、區議員同埋關愛隊嘅成員。大家都踴躍參與及提問，民政處希望各位街坊繼續積極參與大廈管理事宜，共同締造一個更舒適嘅社區。
