歲晚「冬防」宣傳 ·「預防勒索及爆竊罪案」宣傳活動

年近歲晚，為咗提高商戶保安意識，灣仔警區1月14日喺灣仔機利臣街及灣仔街市一帶展開咗一連串嘅冬防滅罪宣傳活動。

灣仔警區警民關係組聯同港島總區防止罪案辦公室向灣仔嘅街坊同埋店舖負責人派發防爆竊單張，希望可以提升市民對預防爆竊意識同埋警覺性。

期間，人員向市民派發咗「舉報勒索」、「提防店舖盜竊 / 爆竊」及「提防騙案」嘅單張及紀念品，宣傳及教育防罪知識，並呼籲市民年近歲晚要提高警覺及加強防罪措施，小心保管個人財物，以免俾賊人有機可乘。