@ 
中西區民政處嘅長期合作伙伴 — 通善壇，本住敬老護幼、救災扶貧、服務社群嘅宗旨，屬下服務單位為唔同年齡層嘅人士提供多元化服務，亦定期舉辦多項大型慈善活動、各類型社區活動同埋公民教育活動，為社區注入更多關愛，其中包括向貧困大眾贈醫施藥。
今年嘅夏季贈醫贈藥會頒獎典禮同聯歡晚宴2月5日圓滿舉行。律政司副司長張國鈞、中聯辦港島工作部副部長楊成偉、港區全國人大代表李應生、前行政會議成員葉國謙、立法會議員陳學鋒、懲教署署長黃國興同埋中西區民政專員梁子琪，聯同通善壇壇主葉永成、理事長夏德建一齊主禮。
活動多年來得以成功舉行，並獲坊間熱烈支持，全賴一班善長、醫師嘅無私奉獻，大家共同付出嘅努力，充分展現「施仁濟困」精神。展望未來，民政處同通善壇會繼續為中西區多添溫暖同關愛，弘揚互助互愛嘅精神。
@ 