@ 
第十四屆全國兩會第三次會議上週圓滿閉幕。深水埗民政處上星期五（14/3）亦喺石硤尾社區會堂舉辦「學習兩會精神分享會」。
分享會邀請咗全國政協常委王惠貞擔任主講嘉賓，向大家介紹兩會嘅重點內容，包括經濟高質量發展、科技創新、綠色轉型同埋民生改善等多個領域，亦提及中央政府將繼續支持香港嘅繁榮穩定，香港要發揮自身優勢，做好內聯外通嘅雙向跳板作用，並積極融入國家發展大局，抓住「十四五」規劃同「一帶一路」建設嘅機遇。
深水埗民政專員黃昕然亦從地區層面出發，分享點樣應用科技數據改善地區生活質素，未來會探討利用樂齡科技同長者友善樓宇設計改善服務等議題，期望令深水埗成為更宜居同長者友善嘅社區。
活動由深水埗民政處主辦、深水埗居民聯會同九龍社團聯會深水埗地區委員會合辦。深水埗區議員、深水埗「三會」委員、深水埗青年社區建設委員會委員、深水埗青年發展及公民教育委員會委員、深水埗關愛隊成員等亦有出席支持，體現社區各界對兩會精神嘅高度重視同積極參與。
