@ 
消防處 、觀塘區防火委員會及消防處社區應急先鋒名譽會長會（觀塘區）分別喺3/4及4/4向區內居民及掃墓人士宣傳防火 。
1、家居防火安全探訪活動
尋日（3/4），一眾觀塘區防火會委員及社區應急先鋒名譽會長會(觀塘區) 會長喺消防處及真光苑長者地區中心安排下，分別去咗油塘邨華塘樓及觀塘合和大廈 探訪雙老及獨居長者 。除咗派發防火三寶（滅火筒 、滅火氈及獨立火警偵測器），仲即場幫佢哋安裝獨立火警偵測器 ，提升家居消防安全 。委員亦細心講解 「防火三寶」嘅使用方法同注意事項，增強居民嘅家居消防安全同防火意識 。
2、清明節防止山火宣傳活動
今日（4/4）清明節，觀塘區防火會主席楊莉珊同一眾委員、消防處九龍東分區指揮官朱敏超、社區應急先鋒名譽會長會主席周耀明及一眾會長一早 到將軍澳華人永遠墳場(油塘入口) ，向掃墓人士派發防止山火宣傳單張，提醒 大家時刻注意安全，切勿留下火種，以免釀成山火 。各委員完成任務後 ，仲去埋鯉魚門牌坊一帶，繼續派發防火宣傳單張，加強推廣防火安全信息 。
記住喇！防火知識要知道，逃生三寶要帶好 ！我哋要時刻做好準備，防患未然！
