@ 
東九龍青年社每年都舉辦「黃大仙區傑出學生選舉」 ，旨在嘉許區內學業及體藝成績卓越、熱衷服務社群嘅優秀學生 。
呢個年度學界盛事轉眼已踏入第18屆，一直深受區內學校、學生同家長嘅支持 ！選舉設有小學組、初中組同高中組 ，今年更合共收到超過100份提名 ！
東九龍青年社喺上周末舉行咗小學組及中學組決賽遴選面試 ，競爭激烈 。同學仔除咗要完成筆試考核 ，喺面試環節亦要與組員即場製作以「總體國家安全觀」其中一個領域為題嘅立體裝置，並就不同社會議題進行小組討論 ，以考驗同學仔嘅個人素養、溝通能力、對國家安全嘅認識以及時事觸覺 。黃大仙民政助理專員Bonnie、一眾政府及企業代表以及地區賢達亦有參與評審工作 。
入圍嘅同學仔除咗喺學術方面有亮麗表現之外 ，亦積極投身社會服務及義務活動，充分體現「德智體群美」嘅內涵 ！選舉結果即將公布 ，想知道邊個能夠脫穎而出 ，就記得留意東九龍青年社嘅專頁喇 ！
黃大仙民政處會繼續積極推動多元化、貼近年青人需要嘅地區活動 ，期望凝聚社會各界力量 ，培育年青人成為愛國愛港、具備世界視野、擁有健康身心靈嘅新一代 ！
