@ 
黃大仙區議會於5月落實未來工作計劃 ，涵蓋幸福感(Wellness)、文化推廣(Tradition)及可持續發展(Sustainability)三大範疇 。喺可持續發展方面，我哋計劃聯同區內非牟利組織、地區團體、企業夥伴及學校合作籌辦一系列以「減廢回收」、「節約能源」及「有機種植」為題嘅環保推廣活動 。我哋正密鑼緊鼓籌備及推展與上述主題相關嘅項目 ，喺度先同大家分享當中點滴 ！
1、參觀廚餘回收設施
早前，黃大仙區議員及領展代表參觀煤氣公司全港首創嘅煤氣廚餘處理機 ，近距離了解如何短時間內將廚餘轉化成有機肥原料並用作種植 ，實踐環保減廢等綠色理念 。經過今次參觀，一眾議員更了解轉廢為材嘅運作過程，並會持續喺社區推動源頭減廢、廢物分類、資源回收同升級再造嘅活動 ！
2、設立有機園圃
另外，黃大仙民政處正與領展及地區團體籌劃於樂富廣場外設立「都市農莊」 ，鼓勵有機種植香草花卉同蔬菜瓜果 。區內居民除咗可以參與園圃種植活動及環保工作坊外 ，仲可以身體力行將收成贈送畀區內有需要嘅家庭或長者，一舉兩得 ！黃大仙地區康健中心亦會喺園圃推動種植 ，畀參加者透過同大自然嘅接觸 ，提升身心健康 。
黃大仙民政處會繼續同相關持份者合作 ，推展更多有意義嘅項目 ，努力打造一個綠色社區 ！
