@ 
上周日（6/7），由九龍城民政處同青途發展社區發展協會合辦嘅「慶祝香港回歸祖國28周年暨迎全運 運動傷聚九龍城體驗日」喺啟德社區會堂順利舉行。青途主席鄭泳舜議員、九龍城民政專員蔣志豪，以及多位九龍城區議員及地區人士均出席支持活動。
多位運動員親臨會場與市民互動，短肢羽毛球運動員王鎮炎擔任活動司儀，而輪椅舞蹈運動員余俊延為大家帶嚟舞蹈示範。三位殘奧會獎牌得主，羽毛球運動員陳浩源、硬地滾球運動員梁育榮及張沅，一齊分享佢哋努力追夢嘅奮鬥故事。佢哋特別感謝港人喺比賽期間給予嘅支持，依家希望透過活動回饋社會。現場觀眾都感受到運動員嘅堅毅同熱情。
各位運動員又同參加者一齊試玩多項傷健運動，傳遞傷健共融精神，包括 輪椅舞蹈、 硬地滾球、 視障保齡球、地壺等等，大家都渡過咗一個充實又有意義嘅周末。
傷健共融，運動無界限！
@ 