@ 
環境保護署署長徐浩光12/7到大埔，同區內學生及市民分享環境及生態局同環境保護署聯合國家生態環境部宣傳教育中心製作嘅 《遇見美麗中國》影片 ，並講解保護環境及生態對我哋生活以及國家安全 嘅重要性。活動吸引超過300人參加，除咗大埔民政專員陳巧敏同多位嘉賓到場支持 ，大埔管弦樂團亦專門喺今次放映活動上送上精彩演出，以悠揚樂韻呼應美麗中國！
《遇見美麗中國》製作用心，同學仔都沉醉於各種美景，目不轉睛。徐博士以生動有趣方式 ，向參加者闡述國家生態文明發展及建設美麗中國嘅進程，並分享國家與香港特區政府喺環境保護 及自然保育方面嘅努力同成果 ，更請環保署人員同場展示人工智能環境空氣滋擾偵查機械狗 同分享減廢回收及環保資訊 ，讓參加者都大有收穫，一齊推動綠色生活！
主辦方同場仲播放《美麗香港系列》首集「美麗香港海灣」片段 ，提及吐露港、大美督水壩，以及聚居大埔嘅小白鷺 。大埔區擁有豐富生態資源，從茂密嘅樹林 到多樣性濕地以致獨特嘅紅樹林，孕育著豐富物種 ，再加上大埔滘自然保護區及鳳園蝴蝶保育區 等地點，的確係體驗大自然嘅好去處 。大家喺愛護自然、維護生態安全嘅同時，都歡迎嚟大埔享受自然風光同好山好水！
本次活動由環境保護署主辦，大埔區文藝協進會、大埔學校聯絡委員會及香港太平紳士協會協辦，大埔民政處及新界社團聯會大埔地區委員會全力支持 。今日活動場面熱鬧，出席嘉賓包括大埔區議員李耀斌、陳笑權、李細燕、溫官球、余智榮、麥成灝、陳子健及陳建君，仲有大埔區中學校長會主席郭永強、大埔學校聯絡委員會主席張麗珠、副主席陳詠賢、大埔區文藝協進會主席林廣輝、副主席鍾錦玲、大埔各界協會主席陳佩添及區內多間中小學嘅校長。
@