@ 
灣仔民政處、灣仔區青年發展網絡及灣仔區青年發展及公民教育委員會，於8月12日帶領一班充滿活力嘅青年一同參觀屯門公眾騎術學校，開展生動有趣嘅馬術運動探索之旅！
當日由中國香港馬術總會詳細介紹馬術運動嘅基本知識，並播放精彩嘅馬術比賽片段，令青年朋友更加了解呢項極具挑戰性同優雅嘅運動。參觀過程中，大家近距離認識馬匹，更有機會親手餵飼可愛嘅雪特蘭小馬，氣氛溫馨又充滿互動。最後嘅有獎問答環節，青年們踴躍參與，積極搶答，氣氛熱烈。
第十五屆全國運動會將於11月舉行，馬術運動包括三項賽、盛裝舞步及場地障礙賽事，係重要嘅比賽項目。今次活動不但讓灣仔青年親身體驗馬術獨特嘅魅力，更成功激發佢哋對呢項運動嘅興趣與熱情。
@ 