@ 
屯門民政處同屯門區青年發展及公民教育委員會喺18-20/8為新一屆「成功有約」屯門區青年自我挑戰及獎勵計劃嘅學員，安排咗3日2夜嘅外展訓練營，透過一系列嘅歷奇活動，提升青年人面對挑戰時嘅抗壓能力，建立團隊互信互助嘅合作精神，學習將有限資源發揮到最大嘅作用，從而提升個人嘅解難能力。
學員要適應環境同天氣變化，用汗水同堅定意志嚟完成一個又一個突破自我嘅挑戰，包括高處跳海 、高空繩網、划獨木舟等。嚟到結業典禮，學員一齊回顧呢幾日嘅難忘經歷，大家都話估唔到自己能夠克服心理關口成功挑戰跳海環節，亦都唔會忘記大家建立咗嘅友誼，但「最最最估唔到」嘅係自己可以放低電話 3日，成功對抗心魔。
我哋嘅青年學員嚟緊仲會有好多機會去經歷去成長，期望屯門區青年人繼續勇於嘗試，成就未來，貢獻社區！
